Aksident tragjik në Itali, humbin jetën 2 të rinj shqiptarë
05/10/2017 - 19:39 Nga: Alba Kepi

Një aksident tragjik ka ndodhur në mëngjesin e sotëm në rrugën Siena-Bettolle  në zonën Casetta, afërsi të komunës Castelnuovo Berardenga.

Një makinë në bordin e të cilës udhëtonin 3 shtetas kosovarë ka dalë nga rruga duke u aksidentuar rëndë. Dy prej shtetasve shqiptare te Kosoves që udhëtonin me të,  të moshës 21 e 22 vjec kanë mbetur viktimë, ndërsa kosovari i tretë është i plagosur e në rrezik për jetën.

Makina është përplasur me ndarësen e rrugës duke e kapërcyer atë dhe është rrokullisur  me një shpejtësi mjaft të lartë për dhjetra metra.

Tre të rinjtë kosovarë janë me profesionin punëtorë. Ngjarja ka ndodhur rreth orës 6 të mëngjesit ndërsa po shkonin në punë.

Policia italiane ka hapur një proces hetimor për të kuptuar shkaqet e këtij aksidenti. Supozohet se dalja e makinës nga rruga është shkaktuar o nga dalja papritmas e një kafshe që i ka zënë rrugën o nga lodhja e gjumi që mund të ketë goditur drejtuesin e automjetit. 

/Ora News.tv/

 

Të parët për lajmin e fundit. Ndiqni Oranews.tvFacebook dhe në Twitter