Ambasadori Lu larg politikës në Tiranë, shijon “Ditën Amerikane” në Korçë
22/10/2017 - 19:59

Ndërsa në Tiranë politika përplaset në deklarata për krimin dhe korrupsionin, Ambasadori i Shteteve të Bashkuara ndodhej në Korçë, ku ka festuar ditën Amerikane.

Donald Lu mori pjesë në një sërë aktivitetesh të organizuar në kuadër të kësaj dite, por i qëndroi larg deklaratave me natyrë politike. Pasi ka vizituar ekspozitën e hapur me materiale, foto dhe letra nga jeta e shqiptarëve në Amerikë ndër vite diplomati vlerësoi ruajtjen e marrëdhënieve të mira mes dy vendeve.

Lu: Një nga fjalitë e para që kam mësuar ishte “Ja korçare ja hiç fare”. Kam mësuar që ushqimi nga Korça është më i mirë, edhe muzika. Sidomos birra në Korçë është më e mirë. Unë shpresoj se të gjithë në Korçë mund të vizitojnë Amerikën.

Dita Amerikane ne Korçë është shoqëruar edhe me këndin e kuzhinës ku janë sjellë gatime tradicionale amerikane, mdërkohë që përveçse i ka shijuar ambasadori Lu nuk ka hezituar as ti gatuajë ato.

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter